"ఆంధ్ర కల్హణ" బిరుదాంచితులు, మహాకవి మధునాపంతుల సత్యనారాయణ శాస్త్రి గారు ఒకనాడు ఆయన శిష్యుని ఇంటికి వెళ్ళారు. ఆ శిష్యుడు సాదరంగా ఆహ్వానించి, కాసేపు ముచ్చటించిన తరువాత, "ఈ మధ్య రిఫ్రిజిరేటర్ కొన్నాం గురువు గారు! చూడండి." అంటూ క్రొత్తగా కొన్న రిఫ్రిజిరేటర్ ను చూపాడు. శాస్త్రి గారు ఆ రిఫ్రిజిరేటర్ ను పరిశీలిస్తూ, మెల్లగా దాని డోరును తెరిచే సరికి, దాని నిండా బీరు బాటిల్స్ కనిపించాయి. అప్పుడు శాస్త్రి గారు "ఇది రిఫ్రిజిరేటరా? లేక 'బీరు'వానా?" అని విసుక్కొన్నారు. పాపం! ఆ శిష్యుని మొహం మాడిపోయింది.
కామెంట్‌లు లేవు:
కామెంట్‌ను పోస్ట్ చేయండి