"అరుగుదెంచి ఎపుడొ అవకాశ మొకమారు
ద్వారము కడ నిల్చి తలుపు తట్టు -
తత్క్షణమ్ము వెడలి తలుపు తీయనియెడన్
మరలి పోవు నద్ది - మరల రాదు!"
ఇది మా గురువు గారు డా. నండూరి రామకృష్ణమాచార్యుల కలం నుండి జాలువారిన సందేశాత్మకమైన పద్యాలలో ఒకటి. ఆణిముత్యంలాంటి ఈ పద్యానికి వ్యాఖ్యానం అవసరం లేదని భావిస్తాను. అందరూ ( ముఖ్యంగా యువతరం )
అవకాశాలను అందిపుచ్చుకొని జీవితంలో ఉన్నత స్థాయికి చేరుకోవాలని ఆకాంక్షిస్తున్నాను.
- డా.ఆచార్య ఫణీంద్ర
( సంపాదకుడు )
ఆచార్య ఫణీంద్ర గారు,
రిప్లయితొలగించండిఅద్భుతమైన భావంతో చక్కని పద్యాన్ని అందించినందుకు కృతజ్ఞతలు. ఈ సందర్భంగా నండూరి వారికి, మీకు క్షమాపణలతో నాదొక చిన్న సెటైర్.
అరుగు దెంచు నంచు అవకాశ మెప్పుడో
ఎదురు చూడ బోకు ఇంటి లోన
తలుపు తెరిచి బయట దారి కాచిన యెడ
దొరుక గలదు నదియె తొందరగను
హరి గారు !
రిప్లయితొలగించండిమీ పద్యం కూడా బాగుంది.
అయితే, మా గురువు గారు చెప్పింది -
అవకాశం కోసం ఎదురు చూస్తూ కూర్చోమని కాదు. వచ్చిన అవకాశాన్ని వెంటనే సద్వినియోగం చేసుకొమ్మని.
ధన్యవాదాలు !
ఆచార్య ఫణీంద్ర గారు,
రిప్లయితొలగించండిధన్యవాదాలు !
వందనాలు ఫణీంద్రగారు!
రిప్లయితొలగించండిపద్యం చాల బాగుంది.....
చిన్న చిన్న పదమ్ములు చేర్చి, అర్థ
వంతమౌ భావముల కూర్చి, పంచి, మాకు
స్ఫూర్తి కలిగించినాడవు, సుజన బంధు!
రామకృష్ణమాచార్య! నా ప్రణతులివియె.
ఫణీంద్రగారు! మీకు ఒక ఈ-మెయిల్ పంపాను, మీరు ఒకమారు చెక్ చేసుకుని, ప్రత్యుత్తరమివ్వరూ!
ధన్యవాదాలు..:)
ఆచార్య ఫణీంద్రగారికి శ్రీలలిత నమస్కారములు. మీరు ఆటవెలది రాయడానికి చెప్పిన పధ్ధతి బాగుంది. తప్పక ప్రయత్నిస్తాను. ఒక విన్నపం.
రిప్లయితొలగించండిమీరు చంపకమాల వ్రాయడం చెప్పినప్పుడు నేను వ్రాసిన పద్యాన్ని సరిదిద్ది మెచ్చుకొన్నారు. ఆ ప్రోత్సాహముతో మరొకటి మీకు వ్రాసి పంపించాను. కాని ఆ తరువాత మీరు ఇప్పుడే బ్లాగ్ లో కనిపించారు. శ్రమ అనుకోకుండా నేను వ్రాసిన పద్యం సరి చేసి పెట్టగలరా?